صحيح يا عبدو لانزل المطر لا جات رعودو
و كل الكان مخدر يوم يبس بالحسره عودو
كتار يا عبدو رحلو و تاني عاد كيفن يعودو
و ده حال الدنيا جد يا عبدو قاسي كتاف قيودو
***************************
بشوفو قريب و ماهو قريب و الاحزان سهول
رحيلك يابى خلى اليوم بشوفو كانو حول
مويت العين تكب يا عبدو و الليل طولو طول
حزنا على الرحيل يا عبدو فيهو دموعنا قول
**************************
بتبكي بللنا و الشتلات و كل الكان سعيد
بتسأل كل يوم الضيقة وين راح السعيد
رحل يا الضيقة من الدار هو لرب العبيد
حزنا انشرا وين قولي لي تاني تشوفي عيد
**************************
ارادة المولى جد يا عبدو و الحي يوم يزول
و حال الدنيا نعرف انو ما بتدوم لزول
يدوم الله الخلقنا رزقنا و ادانا العقول
و لو بتدوم اكيد يا عبدو كان دام الرسول