بلادي هناك محط الشيل
هناك بلدي النخيل و النيل
تفرهد خضره في الشطين
نضاره و مافي ليها مثيل
دخن لوبي و يحت كاويق
مكوم نملا منو نشيل
قلوب عابده و نفوس ساجدة
تركع لأواخر الليل
يعبدو الرب يعرفو الحب
يحبو الذكر و الترتيل
مراكب سايره ليها شراع
مع الامواج تميل و تميل
نخيل مصفوف على الشطين
جريدو تقيل عليهو الشيل
جمالو بيسعد الوجدان
و للاحزان يشيل و يزيل
بلادي الخضره ليها وشاح
مفرهد كم نخيل و نجيل
عزاز ناسا و كرم مشهود
و للضيفان يعبو الكيل
يشاركوك الحزن و الهم
من المقل الدموع بتسيل
و في الاحزان يقيفو معاك
معاهن ما بتضوق الويل
موضوع: قصيدة الأرض الطاهرة - للشاعر / اسامة السعيد 
الأربعاء نوفمبر 30, 2011 11:34 pm